စနေနေ့ ညနေက ဈာပန
Posted on 4:55 AM by ကြယ်ပန်းလူ
စနေနေ့ညနေက ဈာပန
အေးစက်စက်
တိတ်ဆိတ် ရက်စက်စွာ ရောက်ရှိလာသောအမှောင်
အပ်ရာတွေ မွစာကျဲနေတဲ့ ငါ့အရေပြား
ထိုးထည့်ထားတဲ့ ပိုက်တွေက မြွေတွေလို တန်းလန်းကျလို့
အပေါ်သွေး- ၁၀၀ အောက်သွေး -၀
အာရုံကြောတလျှောက် ထိုးသွင်းခံလိုက်ရတဲ့ ထုံဆေး
ငါ့ နှလုံးသားတည့်တည့် တ၀ုန်းဝုန်း ရိုက်နေသော
လျှပ်ရိုက် ကိရိယာ
ခံစားမှုတစ်စုံတစ်ရာ မရှိတော့တဲ့ စိတ်ဝိဥာဉ်
နောက်
ခြေသံများ .............
တချက်ချက်မြည်နေတဲ့ စိတ္တဇဆန်လွန်းသော နာရီသံ
လေထုထဲ အစိမ်းရောင်တွေသာမွှန်ထူလို့
ဝေဒနာကို ငြီးဆိုဖို့ ငါ့အသံဟာ ပျောက်ဆုံးလို့
တရားတော်ကို ဦးညွှတ်ဖို့ ငါ့စိတ်ဟာ အထိန်းအကွပ်မဲ့လို့
ဟို အဝေးတစ်နေရာရာ
ငါ့ရင်ကို တည့်တည့်ဝင်လာတဲ့ လွမ်းဖွယ်ဆွေးဖွယ်ဂီတ
ခြောက်ကပ်ပူလောင်ရင်း သေငယ်ဇောနဲ့ မြောနေတယ် ......
လူနာဆောင် ၊ အခန်း (၂၃)
အသက်ရှူမရပ်ခင် သေဆုံးခဲ့ပြီဖြစ်သောလူနာ
စနေနေ့ညနေ မိုးတွေညို့တက်လာတဲ့အချိန်
ငါသေဆုံးခဲ့တယ် ........
မိုးထဲရေထဲ
ဈာပနဟာ ညိုမွဲ ကွဲအက်လို့ ...........
ကြယ် ပန်း လူ
0 comments:
Post a Comment