Posted on 10:24 PM by ကြယ်ပန်းလူ

လက်ဖျံရိုးချင်းဆက်အမွှာ (သို့မဟုတ်) နေကြီး


သွေးမတော်သားမစပ်ညီအစ်ကို
လက်ဖျံရိုးချင်းဆက် အမွှာ
နေကြီး
မင်း ရုပ်ရှင်တွေသိပ်မကြည့်နဲ့
မင်းက အမြဲတမ်းဖိနပ်ပျောက်နေတဲ့ကောင်
သေနင်္ကဗျူဟာကျမ်းကြီးနဲ့
ဒုတ်မရှိ ဓါးမရှိ သူရဲကောင်းလုပ်ချင်နေတဲ့ကောင်
ဘယ်အိပ်မက်ကြီးဝယ်ချင်လဲ
မင်းမှာသွေးရှိတယ်
ရတယ်
မင်း အာရေဗျ ဘာသာစကားနဲ့ပြောလည်း
ငါနားလည်တယ်

နေကြီး ဟေ့ကောင်

ငါတို့ညတွေနည်းနည်းမှောင်တယ်
ဓါးရိုးကိုတင်းတင်းဆုပ်ထား
ကိုးကွယ်စရာမလိုဘူး
ဒုတိယဘုရားသခင်ကို ခြေထောက်အောက်ချနင်းပစ်မယ်
ငါတို့ဖတ်စာအုပ်ထဲကအတိုင်း
လေသံလား မြွေသံလား နားထောင်
ချိုလိမ်တွေကို ခဏခေါက်ထား
လမ်းပိတ်တယ်
အဲဒါ ငါတို့လမ်းပေါ်က ကျောက်ခဲတွေ
ဘုန်းကြီးသူရဲခေါင်းပေါင်းနဲ့
ငါက ကြက်ခြေခတ် နည်းနည်းများတယ်
မင်းဂရုဏာဒေါသတွေကိုငါချစ်ပါတယ်
လောလောဆယ်
ငါတို့နှစ်ယောက် ရင်ငွေ့ငတ်တယ်
ကိုငှက်ကြီးနဲ့ အတူတူအော်မယ်
ဆေးလိပ်တစ်လိပ်က အသက်သုံးမိနစ်တိုတယ်
မင်းနဲ့ငါ တစ်မိနစ်ခွဲစီ
စနေသားနှစ်ကောင်
အမောက်တထောင်ထောင်နဲ့
ငါတို့မှာ ဂျိုကာနှစ်ကောင်ရှိတယ်
ဟိုပါဠိ စကားကောင် ဒုက္ခ
ငါတို့မှာ အလံမရှိဘူး ဒိုးတော့

နေကြီး ဟေ့ကောင်

မင်းနဲ့ငါက သွေးမတော်သားမစပ်ညီအစ်ကို
လက်ဇျံရိုးချင်းဆက်ထားတဲ့ အမွှာ


ကြယ် ပန်း လူ

စကြာဝဠာရဲ့ နံရံတွေ

Posted on 9:55 PM by ကြယ်ပန်းလူ

စကြာဝဠာရဲ့ နံရံတွေ


ငါ့အခန်းတံခါးကို လာခေါက်နေတာ ဘယ်သူလဲ

မြူတွေလား ၊ ဖုန်တွေလား ၊ စက္ကူပန်းတွေလား

ပြက္ခဒိန်အလိုအရ

ဒီနေ့ဟာ ဘာနေ့ဖြစ်မလဲ

လမ်းမပေါ်မှာတံလျှပ်တွေရှိနေလား

မိုးတွေရွာပြီးသွားရင် နှင်းတွေတကယ်ကျလာမှာလား

မိန်းမတစ်ယောက်သားကြောဖြတ်သလို

အရာရာကို ဖြတ်တောက်ထားဖို့မသေချာဘူး

ငါ့ဘေးမှာ ရှိနေတာ ငါ့အရိပ်ဆိုတာ မသေချာဘူး

မပြောဖြစ်သေးတဲ့စကားတွေအတွက် စိုးရိမ်တယ်

မီးလောင်လိုက် ရေနစ်လိုက်နဲ့

ငါ့ ခန္ဓာ က အငွေ့နဲ့တည်ဆောက်ထားတာ

စီးကရက်ဘူး ထဲက ဆေးလိပ်တွေ

ပြာခွက်ထဲ လာသေနေတယ်

ညနေက ကြယ်

အလင်းနဲ့ အတူသေသွားတယ်

ခဏလေးပဲ

ငါးမျှားချိတ်ကို မတင်လိုက်ပါတော့

ရေထဲမှာ ဘာငါးမှမရှိဘူး

စကြာဝဠာ ဟာ သုညတစ်လုံးပဲ

မံမီတွေလို မသေခင်က ဆေးစိမ်နေတဲ့မိန်းမတွေ

သဘာဝသမိုင်းပြတိုက်ထဲက ဒိုင်နိုဆော အရိုးစုတွေ

အံစာတုံးတစ်တုံးရဲ့ မျက်နှာပြင်တွေ

စကြာဝဠာ ရဲ့ နံရံတစ်ဖက်ကိုထိစမ်းချင်စိတ်နဲ့

ရူးချင်ယောင်ဆောင်နေတဲ့အရူးကို လွှတ်ထားလိုက်ပါ



ကြယ် ပန်း လူ