ရွာရန်ရာနှုန်း သုည ဒဿမ သုည သုည

Posted on 4:48 AM by ကြယ်ပန်းလူ

ရွာရန် ရာနှုန်း သုည ဒဿမ သုည သုည


မိုးတိမ်တွေ

သူတို့ဇက်ကြိုးကို ခုတ်ဖြတ်ပြီးထွက်သွားတယ်

ငါလည်း တိမ်တွေနောက်လိုက်ခဲ့တယ်

ငါ့အိပ်မက်ကို ကိုက်ဖြတ်ပြီးတော့



စိတ်ပြေလက်ပျောက်

ပင်လယ်ကိုသီချင်းလုပ်ဆိုကြည့်တော့

လှိုင်းတွေက အမောက်ထောင်ပြတယ်

ငါက လေးလေးလံလံ ပေါ့ပါးနေတဲ့ ကောင်ပါ



ဇက်ကိုလိမ်ချိုးပြီး

ရင်အုံကိုနားစွင့်မိတယ်

မနေတတ်မထိုင်တတ်နဲ့

ငါ့မိုက်လုံးကြီးမှုက မြင်သာတယ်



မိုးတိမ်တွေကပြောတယ်

က-ဗျာ  က-ဗျာ  တဲ့

ငါ  မကဘဲ ထွက်လာခဲ့တယ်



တစ်ချက်တစ်ချက်  တစ် ချက်  ချက် နဲ့

နာရီတွေက နာ နာ ကျင် ကျင် ရီ (ရယ်) တယ်



သည်းသည်းမဲမဲ သွန်ချလိုက်ချင်တယ်

ခြေဦးတည့်ရာပဲပေါ့

ခြေဦးတွေက မင်းရှိရာ အရပ်ပဲ လှည့်လှည့်နေတော့



မြေ၀ိုင်းဇာတ်မှာ

ခုနှစ်လွှာကမဲ့ ကခြေသည်မရေ

ငါ့ ဗုံသံက တိုးတိတ်လွန်းနေမလား



ရွာရန် ရွာနှုန်း သုည ဒဿမ သုည သုည နဲ့

မထွေးနိုင် မအန်နိုင် ရောဂါရနေတဲ့  မိုးတိမ်

ငါက မြုံနေတဲ့ မိုးတိမ်ပါ



ထုံပေပေနဲ့

လေးလေးလံလံ ပေါ့ပါးနေခဲ့တာလေ

                       
ကြယ် ပန်း လူ

0 comments:

Post a Comment