မျက်လှည့်ဆရာ နဲ့ လူပြက်

Posted on 6:21 AM by ကြယ်ပန်းလူ


မျက် လှည့် ဆ ရာ နဲ့ လူ ပြက်



သူ့လက်နဲ့ ထိရင် မီးထတောက်တဲ့ မျက်လှည့်ဆရာ

သူ့မှော်ဝင်သေတ္တာလေးနဲ့ စင်ပေါ်မှာ ရှုတည်တည်ရပ်နေတယ်
ကုတ်အင်္ကျီ ရှည်ရှည်မည်းမည်းကြီးထဲ လက်နှစ်ဖက်နှိုက်လို့

အာမေဋိတ်သံတွေကို ဆာလောင်နေပုံမျိုး

အရူးတွေကို အရိုးထိရူးအောင်လုပ်မဲ့ပုံမျိုး



အ၀တ်အစား ကြောင်ကြောင်ကြားကြားနဲ့ လူပြက်

အရေခွံထူတဲ့ သတ္တ၀ါတစ်ကောင်လို

တစ်လောကလုံးကို ရယ်သွမ်းသွေးပစ်မဲ့ ပုံမျိုး

စင်ထောင့်ကရပ်ကြည့်လို့



မျက်လှည့်ဆရာလက်ထဲမှာ

စက္ကူတစ်ရွက်ဟာ ပန်းတစ်ပွင့်ဖြစ်သွားနိုင်တယ်

ကြယ်တွေ အခိုင်လိုက် ကြွေကျလာနိုင်တယ်

ကြိုးတစ်ချောင်းဟာ မြွေတစ်ကောင်ဖြစ်သွားနိုင်တယ်

သူ့သေတ္တာထဲဝင်ပြီး ကိုယ်ရောင်ဖျောက်ပြနိုင်တယ်

မျက်လှည့်ဆရာက ပြောတယ်

သူ့“ လက်နှစ်ဖက်ပေါ်မှာ

ကမ္ဘာကိုတစ်ခြမ်းစီတင်ထားလို့ ရတယ် ” တဲ့



အရေထူ လူပြက်

လက်လက် ပပ ပြုံးတယ်

မှော်ဝင် ပဉ္စလက်

မှော်ဝင်သေတ္တာ ၊ မှော်ဝင်လက်

ယုတ်စွအဆုံး မျက်လှည့်ဆရာကိုယ်တိုင်

လူပြက်တစ်ယောက်အတွက်တော့

ပြောင်မြောက်တဲ့ “ ပြက်လုံး ” တွေပါပဲ



ကြယ် ပန်း လူ

0 comments:

Post a Comment